Оқушылардың химиядан 57-ші халықаралық Менделеев олимпиадасы

Біз сіздерді шексіз далалар, асқақ таулар, реликті ормандар мен таңғажайып пейзаждарды тамашалайтын әсем де құтты Қазақстан жерінде қарсы алуға қуаныштымыз!

Біздің отанымыз тату-тәтті өмір сүріп жатқан 100-ден астам ұлт өкілдерінің шаңырағына айналды. Біз қазақтың салт-дәстүрін аса қастерлеп, өзге халықтардың салт-дәстүріне де мұқият қараймыз. Тек бірлік пен ынтымақта ғана болашақты құруға болатынына сеніміміз мол!

Ежелгі дәуірден бастап күні бүгінге дейін әуен-саз бен ән айтудың табиғи емес, тылсым түрдегі шығу тегі хақында қазақтың халық аңызы сақталған. Ол көшпелі қазақтардың ұлы даласын шарлап, аспанда биікке көтерілген құдіретті ән өте төмен түскенін, сондықтан да оны естіген халық табиғатынан үлкен музыкалық дарын мен қабілетке ие болғанын айтады. Сондай-ақ ел арасында: «Жаратқан әрбір қазақтың жанына оның дүниеге келген сәтінен бастап күй бөлшегін салған», - дейтін сөз де бар. Біздің Димаш осының айқын көрінісі.

Біздің өз Отанымызды, тіліміз бен мәдениетімізді қастерлеп, сүйе білуіміз, сонымен бірге достық қарым-қатынасқа ашықтығымыз, сұхбаттасу қабілетіміз, сұлулықты сезінуіміз, тату-тәтті өмір сүре білуіміз, білімді, ғылымды және мәдениетті дамыту барысында жаңашыл елдердің қатарында болуға мүмкіндік пен құқық беретініне сенімдімін.

Бүгінде қазақ ғылымының негізін салушылар қатарында академик Қаныш Имантайұлы Сәтбаев, химик-металлург Евней Арыстанұлы Бөкетов, математик Орымбек Ахметбекұлы Жәутіков, генетик және селекционер Ғақаш Зәкиұлы Бияшов секілді көптеген белгілі ғалымдардың тұтас бір шоғы бар.

Сондықтан біз ғылыми және шығармашылық ойды дамытуға әрқашан дайынбыз. Бізді Астана қаласында әлемнің 22 елінің өкілдерінің жиналуы ерекше қуантады.

Біздің қонақжайлылығымыз, достық қарым-қатынасымыз әрқайсыңызға білімдеріңіз бен қабілеттеріңізді толық көрсете алуға септігін тигізетініне кепілдік береміз.

Халықаралық Менделеев олимпиадасының мектеп оқушыларының зерттеушілік қабілеттерін арттыруға ықпал етіп, жаңа белестерді бағындыруға итермелеуі жылдан жылға ауқымды әрі қызықты болып келеді.

Біздің Қазақстан баршаларыңыз үшін үлкен ғылым әлеміне есік ашатын бірегей бастау болса деп тілеймін!

Әрқайсыларыңызға сәттілік, сенімділік, табысқа жетуге деген ұмтылыс және әрқашан академиялық адалдық қағидаттарын ұстануға тілектеспін. Және тек шын мықтылар жеңіске жетсін!